Monday, 15 May 2017

Yeh Doorie Saali

Jaaneman...

Tumhare haathon ko apnon mei
simatna chahta hoon
Tumhare mulayam zulfon ke saath
khelna chahta hoon.
Tumhari aakhon mei aakhein
daalkar tumhare pyaar ko mehsoos
karna chahta hoon
Magar yeh doorie saali... daraar dal deti hai.

Tumhari aakhon mei aakhein daalkar
tumhare pyaar ko mehsoos karna chahta hoon
Tumhare komal gaalon ko apne
haathon se dulaarna chahta hoon
Tumhare narm hothon ko apnon se
choomna chahta hoon
Magar yeh doorie saali... daraar daal deti hai.


Tumhare narm hothon ko apnon se
choomna chahta hoon
Tumhari awaaz ki maayusi ko
door karna chahta hoon
Tumhare chehre par ubharti
khushi dekhna chahta hoon
Magar yeh doorie saali... daraar daal deti hai.

Tumhare hothon ko nahi magar
tumhare mann ko zaroor chhoo sakta hoon.
Tumhari zulfon se nahi magar
tumhare khayalon mei zaroor khel sakta hoon.
Tumhari awaaz ki maayusi door se hi sahi
magar apne shabdon se door kar sakta hoon.
Yeh doorie saali... rok sake toh rok le.